palaging bumibisita sa isip ko kung bakit pa ba ako pinanganak. kung ganito lang din naman ang mararanasan ko. kamunghian ang bumabalot sa akin ngayon. narito ko, hindi ako pumasok sa eskwela. badtrip na naman ako sa bahay. kaya nga mas gusto ko palaging wala sa bahay. paulit-ulit lang din kasi ang nangyayari. walang katapusan. hindi ko naman hinihiling sa kanila na mahalin ako. hindi ko rin kasi sila ganoon kamahal. minsan nga, parang ordinaryong tao lang sila sa paligid ko.

mas gusto ko pang kasama ang mga kaibigan ko kaysa kanila. hindi nila alam ang mga gusto ko. wala silang alam kundi punahin ang mga kamalian ko. hindi man lang nila napapansin ang good side ko. kahit kailan. kait kailan.

pero. kung hindi ba ako dumating sa mundong ito, magkakaroon kaya ako ng pagkakataong makilala SIYA_ _ _. ganyan SIYA_ _ _ kahalaga sa akin. lagi SIYAng iniisip. halos sa lahat ng mga bagay, hindi pwedeng hindi SIYA_ _ _ kasama. palagi. sa lahat ng oras. minsan nga hinihiling ko na lang na sana may sarili na akong buhay. kasama sarili kong pamilya. alam kong mahirap intindihin. matagal pa nga naman bago mangyari yun. matagal pa talaga.

sana SIYA_ _ _ na lang ang palagi kong nakikita at lagi kong nakakasama. sa kaniya kasi, parang wala na akong hihilingin pa. sapat na sa akin ang ganoon. masaya na ako. ngayon ko lang naramdaman ito. bagong bago. ibang-iba. sigurado na nga ba talaga ako? sana naman. sana.

mula pala magsimula ang buwan hindi pa kami nagkaka-usap. ano namang ibigsabihin noon? sana taliwas sa iniisip ko. balak ko sanang magpunta sa school ngayon para makita SIYA_ _ _. at maka-usap na SIYA_ _ _. marami akong gustong sabihin sa kaniya. puro ako balak, pero hindi ko alam kung magagawa ko bang sabihin sa kaniya lahat.

tutuloy ba ako o huwag na lang. hanggang ngayon nag-iisip pa rin ako. hintayin na lang natin ang kalalabasan ng magulo kong pag-iisip na ito. magulo nga sabi nila. magulo nga yata talaga. magulo.

haay buhay talaga. hindi ko rin nagawang makapunta ng school. tinext ko kasi SIYA_ _ _ kanina. eh lintik na cellphone yun! nananadya na naman yata ang tadhana. hindi ako makapag-send. nako talaga. paro nagulat ako dun sa isa niyang sinend sa akin. tungkol sa "sana walang limutan". nako. ano namang ibigsabihin nun? siguro kasi hindi talaga ako nagpaparamdam sa kaniya. absent pa ako kanina. nako talaga. gusto ko talagang pumuntang school para makita SIYA_ _ _ at makapagpractice na rin sa presby. nanghiram pa naman ako ng electric guitar sa kaibigan ko. hindi ko naman pala magagamit. di bale. bukas na lang. nakakainis talaga! kailangan ko na namang masanay sa pagiging invisible sa bahay. hayaan ko na lang yun. ayos lang sa akin yun. masasanay at masasanay din ako.

gusto ko na talaga SIYA_ _ _ makita. at maka-usap. sana pwede SIYA_ _ _ bukas. kaso, hindi ko alam kung magkaka-time ako. may practice kasi kami right after classes. nako! ano ba yan! lokohan sa schedules ! bahala na. pipilitin ko na lang! para lang sa kaniya. para lang sa kaniya. sa kaniya ito. para sa'yo.